近期買銀經驗有感

今個星期都可以話係波折重重

由星期一開始每日都想買銀

但係放學次次打去利昌都話冇貨

好彩今日阿媽放lunch幫我買左

對於學生哥黎講，買實銀真係好講機遇

好多時我地放學時間利昌銀都已經俾人掃晒

kitco又淨係得番銀幣，想買大舊少少都冇。

其實香港實銀既市場係好細，聽講好多大戶都係幾百萬咁入。

相比之下，我地D小戰士只係小巫見大巫。

不過無論如何，大有大做，小有小做。

只有手握貴金屬，到泡沫爆破既時候就係勝利者，

總比後知後覺唔個發生咩事既人好。

未來香港白銀供應只會愈來愈短缺，

所以有閒錢就應該要入番少少。

現時投資黃金只係佔全球投資比率0.14%

白銀就更加少，所以根本稱唔上係咩泡沫。

做投資一定要快人一步，把握機遇，先可以比其他人好。

下一次我將會同大家介紹期權﹣一種複雜而有趣既衍生工具。