白銀出頭天?

近日黃金升破1800美元一盎司，令到投資金銀再度成為焦點，

由三月開始同一我一齊留意白銀既人應該都知,

我36蚊,39蚊,42蚊,46蚊都入過貨,而家都算係打個和,

可能有人會問,呢排金升到咁急,幾時到銀?

金同銀本身就係一對拍擋,好多時候會輪住升,

當人發現金開始貴既時候就會轉去買銀,

50美元對白銀係一個關鍵既轉捩點,

一日仲係50美元樓下,白銀都仲係好抵買,

一旦過左50美元,就會變到同金一樣,求無止境咁升~

前排kitco俾人洗倉,1oz銀幣已經賣晒,短期都唔會有貨,

唯一有平銀賣既地方都只係得番上環,500g貨源應該都ok

有人話金銀係避險工具,金銀本身唔會產生價值,

但係終有一天我地可以用佢換取更多產生價值既野,

例如創業,房地產,股票等等

而家銀既市場仲係好細,我身邊除左同我班死黨之外,

根本冇人會買白銀,反而買股票既就多,

一個泡沫既形成需要一個熱潮同有大部份人借錢買,

好似房地產咁,周街都有人借錢炒,

相反我地買銀都只係用cash,仲要冇乜人買,

所以白銀潛力不容忽視!

下一次再出白銀文將會係升穿50美元後,

到時應該會有更多人走黎問我白銀係邊度買.......

近期買銀經驗有感

今個星期都可以話係波折重重

由星期一開始每日都想買銀

但係放學次次打去利昌都話冇貨

好彩今日阿媽放lunch幫我買左

對於學生哥黎講，買實銀真係好講機遇

好多時我地放學時間利昌銀都已經俾人掃晒

kitco又淨係得番銀幣，想買大舊少少都冇。

其實香港實銀既市場係好細，聽講好多大戶都係幾百萬咁入。

相比之下，我地D小戰士只係小巫見大巫。

不過無論如何，大有大做，小有小做。

只有手握貴金屬，到泡沫爆破既時候就係勝利者，

總比後知後覺唔個發生咩事既人好。

未來香港白銀供應只會愈來愈短缺，

所以有閒錢就應該要入番少少。

現時投資黃金只係佔全球投資比率0.14%

白銀就更加少，所以根本稱唔上係咩泡沫。

做投資一定要快人一步，把握機遇，先可以比其他人好。

下一次我將會同大家介紹期權﹣一種複雜而有趣既衍生工具。

財富大轉移

by davidtam


係金融海嘯之後,社會開始吹起一陣貴金屬熱潮
就連富爸爸既作者都大力提倡金銀實貨
甚至中國政府都透過貨幣戰爭呢本書希望做到藏富於民

點解佢地咁大力支持金銀?
原因係因為而家貨幣政策既敗壞
貨幣既發生應該係來自人民既生產,而唔係來自發行國債
而家美聯儲發行貨幣既政策係一美元國債可以發行一美元
換言之美元係用國債抵押,而唔係以前既金本位
咁國債又代表d咩? 簡單d黎講就係美國未來既稅收
而家美國貨幣總額大約係14兆美元
但係係儲款準備金制度下,衍生出黎既債務連本帶利大約係60兆美元
係呢個制度下,國家只可以靠信用黎發行貨幣
終有一日人民會發現美元既消費力已經冇得七七八八
唯有誠實既貨幣 金銀先可以保障到自己
金銀既定義其中最重要係可以有儲藏價值既用途
但係美元已經逐漸失去呢個功能


按照宋鴻兵老師既估計,美國將會係2024年進入資不抵債既情況
即係每年GDP連債務既息口都還唔到...
到最後就好大可能會發行一種世界單一貨幣
美國而家都有大量金銀儲蓄,到時好有可能會直接宣破國家破產
然後用金銀,軍備作要脅,重新制訂貨幣
到時中國既美國國債將會俾走數
現時中國28,473.38億美元外匯儲備
8775億美元係美國國債
即係有大約三成既財產被蒸發
中國人民改革開放以來既財產白白冇晒

而家美國通脹水平仲係穩定,原因係熱錢一早流左去中國
所以我地中國政府好重視通脹會唔會急促升溫
直線黎睇,所有投資,例如股票,房地產,金銀都一定會升
但去到最後,只要美元崩潰,所有野都會大跌
按照銀行家慣常既技倆,就會用金銀低價買入我地中國既地,資源
完成銀行家一統天下既夢想
或者當中國搶夠金銀,到最後或者可以反過來做世界一哥

結論,黃金白銀係保護中國既重大原素
亦係財富大轉移既大好機會
按照而家既比例,我個班只有我一個有白銀儲備
到時候所有貨幣變成廢紙,用黃金白銀就可以低價買入其他人既資產
呢個係史上第一個財富大轉移既機會
有準備既人可以變到榮華富貴
冇準備既人只會一貧如洗


除非不久既將來有人可以研究到煉金術
否則世界一定會發生呢件事,只係時間既問題
我相信巴菲特,李+x都一早睇穿呢個遊戲
早就買左唔知幾多個金礦
我地呢d小市民,唯有每個月儲飯錢買銀幣
終有一日,其他冇準備既人會後悔!!!

金銀攻略（三）

by davidtam

上次介紹左金銀實貨
今次就介紹期貨,紙黃金同ETF

期貨,簡單d黎講就係買未來既貨
英文叫futures,而金銀就係商品期貨既一種
買期貨通常都係用按金制度黎買,即係以槓桿形式,以小搏大
市面上大部份證券行都有提供黃金期貨買賣,有小部份有埋白銀

好處係只有用少量既保證金就可以HOLD到大量黃金/白銀
而且交易時段係廿四小時,可以隨時係網上平台TRADE

壞處係風險高,以槓桿形式炒賣一定要有足夠財力
否則到要補倉既時候要借錢,就可能會家破人亡
所以進行期貨炒賣一定要有理性思性,高度服從紀律
絕不可意氣用事,要勇敢cut loss


紙黃金
可以話係銀行家創造出黎既一種強而有力既新貨幣
紙黃金簡單d黎講係一張黃金票據
因為紙黃金唔可以沽空,所以只可以靠低買高賣賺取差價
所以投資者係因為預期金價上升,先會買

好處 因為紙黃金只係票據,價格都係跟從倫敦金
所以投資者可以好方便咁交易,比實金簡單

壞處 因為紙黃金係唔可以兌換實金既,只能低買高賣
而且唔排除銀行會違約交割,歷史上都曾經出現過,好像1968年3月倫敦金市暫時關閉
投資者永遠都得不到保障,唯有實金先可以解決問題.


ETF全名 exchange traded fund
即係一D指數型基金,名義上只要投資者買一手,公司就會相應買同等價值既野
市面上出名既有GLD,SLV等
但係暗地裡公司可能用d錢去投機炒作
投資者最後都只係會得到一張廢紙

好處  交易方便,可以係股票市場交易
壞處  沒有實金的保障,只是把錢資助導致金融風暴的元兇


介紹完市面上常見既貴金屬產品,希望可以令大家對貴金屬有更深既認識
係未來十年,貴金屬將來係每個國家都會爭奪既一個貨幣
為左保存購買力,各國都會不擇手段,好似中國而家大肆宣傳人民要購買黃金
作為小市民,買貴金屬係對抗通脹既良方
唔似股票,投資貴金屬需要既時間好少,唔使日日睇圖表,長渣已經OK
非常適合好似我呢一類既懶人

買股票的基本知識 (1) 抽新股

by hingchakc
個blog都開了5天了,很高興有大家的支持啊! 
我亦都感謝我的好partner給予我動力去寫文章
其實我並不是一個強勁的股票投資者,我只是一個看了幾本書,google了無數次的小朋友
所以請包容我地出錯,原諒我不能準確回覆你們的提問!
其實真的很開心可以看到blog在5天間已經有500個瀏覽量
亦同時鼓勵我打更多文章
------------------------------------------------------------------------------------------------------------
昨天我跟一位朋友聊天,他的名字叫osman
他問"你不是開blog給新手看的嗎?!"
我"是啊,有何出錯?"
他"如果我是新手我一定不明白什麼是大行什麼是利好消息!"


我恍然大悟,原來我的組織力真的是欠缺
所以我今天會談談what is stock 什麼是股票
不過我唔會講咩點解買股票,
因為你只要將我partner d 文章既"投資"轉晒做"股票"就得:p


入正題

Question:股票分幾多種?邊幾種? 咩係抽新股?
股票分為2種,
第一種係新上市股票
是新上市公司發行賣俾投資者的
第二種就是已發行股票
是投資者相互買賣的股票

[抽新股]就是購買新上市股票
而我們通常接觸的都應該是已發行股票

Question:可以講解抽新股的詳情嘛?會唔會抽唔中嫁?抽唔到洗唔洗錢嫁?
抽新股有多種方法,而最普遍的就是透過白表與黃表認購
白表:以個人名義買新股,你會在報紙或港交所網頁看到自己抽得中與否
http://www.hkex.com.hk/chi/index_c.htm
之後你信箱將會收到股票證書,
並要自行存入銀行/經紀行,無法即時沽出,不適合即買即放的投資者

如果抽不到的話是不用手續費的


黃表:以銀行名義認購,當你以支票+黃表投入收款銀行
之後就可一勞永逸,它會自行存進你的股票戶口
固明思義,"抽"當然有機會不中,如果抽不到的話是要大約$50手續費
你的支票會寄回你家


白表好處 = 黃表壞處

1. 白表抽唔到唔收手續費,要黃表(大約$50)
2. 白表長渣股票可以張股票放係屋企,唔洗存倉費 (hsbc半年 $150 )

黃表好處 = 白表壞處

1. 黃表可以在開市當日就沽,唔洗等
2. 黃表唔洗填form,白表要填一大堆字
3. 白表要寄cheque,黃表唔洗只要戶口有錢就得,
   (情況就好似馬會,白表就係要落投注站買馬買波,黃表就用投注戶口咁,不過呢個投注戶口係要收錢既)remark**1.每人只可以申請一張表2.必須使用自己的支票3.買前最好睇睇招股書4.白表黃表成功機會同等

抽新股必要知道的terms!
[暗盤價] 未開巿前暗盤開出的價格,姐係在開市前除了普通方法外,用其他方法賣股的價
只供參考,有人可能暗中拓價
can check it http://www.cyberquote.com.hk/ to know 暗盤價


[招股價] 招股價格 - 未年一年的盈利預測 x 市盈率 / 每手股數 = 每股股價.
是公司包銷商和機構投資者協定出的


[折讓] 每股的市場價格低於每股資產淨值
每股的市場價格=股票最新的價格
每股資產淨值=公司年報公佈的公司資產
eg. 0001 今日係 $127.50 
每股資產淨值 =114.713800


折讓=$127-114.7 / 114.7 x 10 =1.1(-10%) =股價/賬面值 
so呢個唔係折讓 ,如果數字大過1先係


有咩charge:
印花稅 min $100
交易徵費* （由香港證監會收取）(好少)
交易費* （由香港聯合交易所收取）(好少)
經紀佣金 大約 1 %
銀行服務徵費 $50到啦


好累唔打啦,下次見
最後多謝大家啦都係:)

金銀攻略（二）

今日同大家解釋市面上既金銀產品先

1.金銀實貨

顧名思義實貨即係實體既貨物，係可以拎上手既

買實貨有咩好，除左可以全權擁有物件之外，

貴金屬仲有不記名既優點，可以隨便轉讓俾其他人。

黃金實貨就好多地方都有，普通金舖都有，留意買賣有差價。

白銀實貨就少D地方賣，出名D既有：

利昌金舖 香港上環文咸東街六十五至六十九號地下

有一兩，四兩，500g,4kg賣，注意不同重量會收取不同火耗費，

買賣差價只有幾蚊一兩，賣番佢自己既銀仲唔會收手續費

價錢就相宜D

KITCO 上環皇后大道中305-313號永業中心5L樓

大公司有網頁即時報價

貨品類型多，有各國銀幣，銀條，自家品牌銀條，金條，金幣都會有

每個交易都會有獨立房做

買賣差價較利昌大，大約10﹪

另外中國銀行都有金銀賣，不過要訂貨，長期冇貨

http://www.bochk.com/web/market/trading_rates/precious_metal_trading_prices.xml?section=market&level_2=trading_rates&fldr_id=279

要注意通常每間公司都只會回收自己既貨，暫時只有楓葉幣係KITCO買，BOC都會收。

下篇將同大家分享，金銀期貨，ETF同紙黃金。

金銀攻略（一）

by davidtam

今日開始講金銀，首先講下點解佢地咁重要。
金銀同我地而家大部份貨幣好唔同既地方係，
金銀係誠實貨幣，多勞多得；但係我地而家用既大部份都係法幣，可以由人為創造出黎
由一九七三年尼克遜總統廢除金本位制開始，我地日常生活用既都係法幣
即係由法律規定既流通貨幣，係冇實質價值，只有信用同負債係入面。

由一九七三年開始，黃金價格開始自由浮動，由四十二美元去到現時一千四百多美元
足足升左三十多倍，但係仲係未追上貨幣既流通量（呢樣遲少少同大家解釋）
而銀價都由七三年大約三美元升到現時三十六美元以上，升幅十二倍。
但仍未追上金價升幅，所以白銀大有可能追落後。


此外白銀仲有幾個未來睇好既因素。


白銀除是收藏品之外，白銀也是工業用商品。白銀用於製造電腦和手機中，
也用於製造防範感染的醫療器材。

白銀未來的供應量較黃金為少，估計全球有95%黃金仍未開採，相反，
全球95%白銀已開採及應用。45%白銀消耗於工業用途上、28%用於製造首飾、
20%用於攝影，而只有5%製成銀幣。

在1900年，當時估計全球有120億盎斯的白銀；到1990年，跌至22億盎
斯；至2007年，僅3億盎斯。有悲觀者指，全球白銀在10年內便用完，屆時將是
全球經濟大災難，較石油升上每桶200美元的破壞力，有過之而無不及。


與其話買金銀係投資，倒不如話係一個保險對抗通脹，
更甚可以話係一個對現今社會黑暗既一個反抗。
下一篇，我會同大家分析市面上既金銀產品
金銀實貨，金銀期貨，紙黃金，金銀掛鉤基金等